Naxçıvan Muxtar Respublikası
Gənclər və İdman Nazirliyi
  «Bizim bu günkü gəncliyimiz sağlam düşüncəli gənclikdir, vətənpərvər gənclikdir, xalqını, millətini sevən gənclikdir... Gənclərimiz mükəmməl təhsil almalı, həyatı dərindən öyrənməli, dünyada gedən prosesləri bilməlidir. Lazımi fəaliyyət göstərib öz xalqına, dövlətinə xidmət etməlidir».
                                    Heydər Əliyev













Yaradıcı Gənclər Akademiyası

           Muxtar respublikada yaradıcı gənclərin aşkar edilməsi, onların tanıdılması, yaradıcılıq qabiliyyətlərinin inkişaf etdirilməsi üçün əlverişli mühitin formalaşdırılması, beynəlxalq layihələrdə iştiraklarının təmin edilməsi, onların əməyinin qiymətləndirilməsi və onlar üçün yeni stimulun yaradılması, eləcə də gənclərin asudə vaxtının səmərəli təşkil edilməsi məqsədilə Naxçıvan Muxtar Respublikasının Gənclər və İdman Nazirliyi, Təhsil Nazirliyi və Yeni Azərbaycan Partiyası Naxçıvan Muxtar Respublika Təşkilatının Heydər Əliyev adına Gənclər Birliyinin birgə təşkilatçılığı ilə “Yaradıcı Gənclər Akademiyası” layihəsinə start verilir. 21 fevral 2020-ci il tarixdən etibarən Naxçıvan şəhərindəki Heydər Əliyev Uşaq Gənclər Yaradıcılıq Mərkəzində start veriləcək layihə çərçivəsində aşağıdakı peşə sahələri üzrə kurslar təşkil olunacaqdır:

1. Robotexnika üzrə (qeydiyyatdan keçən ilk 20 nəfər arasından 8 nəfər seçiləcəkdir)
2. Memarlıq üzrə (qeydiyyatdan keçən ilk 2 nəfər)
3. Metal üzərində bədii döymə üzrə (qeydiyyatdan keçən ilk 4 nəfər)
4. Ağac üzərində oyma üzrə (qeydiyyatdan keçən ilk 4 nəfər)
5. Ebru sənəti üzrə (qeydiyyatdan keçən ilk 4 nəfər)
6. Dulusçuluq üzrə (qeydiyyatdan keçən ilk 6 nəfər)
7. Qum sənəti üzrə (qeydiyyatdan keçən ilk 5 nəfər)
8. Rəssamlıq üzrə (qeydiyyatdan keçən ilk 10 nəfər)
9. Ağac üzərində yandırma üzrə (qeydiyyatdan keçən ilk 8 nəfər)
10. Xalçaçılıq üzrə (qeydiyyatdan keçən ilk 5 nəfər)

Robotexnika kursunda yalnız fizika, riyaziyyat və informasiya texnologiyaları ixtisaslarında təhsil alan, Memarlıq kursunda isə yalnız “Memarlıq” ixtisasında təhsil alan gənclər iştiak edə bilərlər. Digər kurslar üçün heç bir ixtisas tələb olunmur. Layihədə yaşı 14-29 olan gənclər iştirak edə bilərlər. 1 ay müddətində davam edəcək təlimlər həftədə 2 gün olmaqla, saat 15:00-dan 17:00-dək keçiriləcəkdir. İştirak etdiyi kursu uğurla başa vuran gənclərə təşkilatçılar tərəfindən sertifikat təqdim olunacaqdır. Təlim kurslarına gənclərin qəbulu Gənclər və İdman Nazirliyinin www.naxgin.az saytında yerləşdirilmiş bölmədə qeydiyyatdan keçilərək aparılacaqdır. Qeydiyyat 7 fevral 2020-ci il tarixədək davam edəcəkdir.

✔ Robotexnika kursu üçün qeydiyyat

✔ Memarlıq kursu üçün qeydiyyat

✔ Metal üzərində bədii döymə kursu üçün qeydiyyat

✔ Ağac üzərində oyma kursu üçün qeydiyyat

✔ Ebru sənəti kursu üçün qeydiyyat

✔ Dulusçuluq kursu üçün qeydiyyat

✔ Qum sənəti kursu üçün qeydiyyat

✔ Rəssamlıq kursu üçün qeydiyyat

✔ Ağac üzərində yandırma kursu üçün qeydiyyat

✔ Xalçaçılıq kursu üçün qeydiyyat









Naxçıvan Muxtar Respublikası Gənclər və İdman Nazirliyi
Webmaster • Global Network Technologies


naxgin.az • 2018-2020