Naxçıvan Muxtar Respublikası
Gənclər və İdman Nazirliyi
  «Bizim bu günkü gəncliyimiz sağlam düşüncəli gənclikdir, vətənpərvər gənclikdir, xalqını, millətini sevən gənclikdir... Gənclərimiz mükəmməl təhsil almalı, həyatı dərindən öyrənməli, dünyada gedən prosesləri bilməlidir. Lazımi fəaliyyət göstərib öz xalqına, dövlətinə xidmət etməlidir».
                                    Heydər Əliyev













Culfa Rayon Gənclər və İdman İdarəsinin
2021-ci ilin aprel-iyun aylarında gördüyü işlər

      Rüb ərzində yetkinlik yaşına çatmayanların maarifləndirilməsi məqsədilə Əlincə, Yaycı və Gülüstan kəndlərinin məktəbliləri ilə “18 yaşına çatmamış şəxslərin əməyindən istifadənin xüsusiyyətləri və bunların pozulmasına görə məsuliyyət”, “Sosial şəbəkələrin mənfi və müsbət xüsiyyətləri”, “Uşaqlara və valideynlərə kömək göstərməkdən qərəzli boyun qaçırmağa görə məsuliyyətin əsasları” mövzularında maarifləndirici söhbətlər aparılıb. Yeniyetmələrin intellektual biliklərinin, dünya görüşlərinin yüksəldilməsi, yaradıcılıq qabiliyyətlərinin üzə çıxarlması məqsədilə rayon ümumtəhsil məktəbləri arasında “Xəmsə” Milli İntellektual Oyunu üzrə rayon mərhələsi keçirilib, qalib “Zirvə” komandası muxtar respublika birinciliyində də, uğurlu nəticə göstərərək ikinci yerə layiq görülüb, həmçinin yol hərəkəti qaydalarının təbliği ilə bağlı “Nə? Harada? Nə zaman?” İntellektual Oyunu və idman federasiyalarının rayon bölmələrinin idmançıları arasında “Peloton” İntellektual Oyunu üzrə rayon birincilikləri reallaşıb, rəsm müsabiqəsi keçirilib. Məktəblilərin Vətənə məhəbbət, dövlətçiliyə sədaqət ruhunda tərbiyə olunması məqsədilə Gülüstan Türbəsinə, "Əlincəqala" Tarix-Memarlıq Muzey Kompleksi və rayon Tarix-Diyarşünaslıq Muzeyinə ekskursiyalar təşkil olunub.

Əhalinin, xüsusən də yeniyetmə və gənclərin bədən tərbiyəsi və idmana cəlbi, bu sahəyə olan marağın artırılması və kütləviliyin təmin edilməsi istiqamətində boccia, süni divara dırmanma, cüdo üzrə rayon birincilikləri, stolüstü tennis, şahmat üzrə rayon turnirləri, şosse velosipedi yarışı, şahmat üzrə tempo turnirlər, o cümlədən “Zərərli vərdişlərə yox deyək, həmişə sağlam olaq!” devizi ilə voleybol üzrə rayon birinciliyi, stolüstü tennis turniri və basketbol üzrə yoldaşlıq görüşü keçirilib. Vətən müharibəsidə igidlik göstərən, ordumuzun parlaq qələbəsində müstəsnə xidmətləri olan hərbçilərimizin tanıdılması, şahmatçıların oyun vərdişlərinin artırılması məqsədilə "Vətən uğrunda", "Cəsur döyüşçü" və "Şuşanın azad olunmasına görə" medalları ilə təltif olunmuş şəhid leytenant Yaqub Nəcəfovun xatirəsinə həsr olunan onlayn şahmat turniri keçirilib. Naxçıvan şəhərində keçirilən süni divara dırmanma, peyntbol və stend atıcılığı üzrə muxtar respublika birinciliklərində 11 idmançının iştirakı təmin edilib.

Rüb ərzində kütləvi bədən tərbiyyəsi və idman sahəsində 17, gənclərlə iş sahəsində 11 tədbir keçirilib. Gənclər sahəsində 268, idman sahəsində keçirilən tədbirlərdə isə 627 nəfər iştirak edib.



Culfa Rayon Gənclər və İdman İdarəsi







Naxçıvan Muxtar Respublikası Gənclər və İdman Nazirliyi
Webmaster • Global Network Technologies


naxgin.az • 2018-2021