Naxçıvan Muxtar Respublikası
Gənclər və İdman Nazirliyi
  «Bizim bu günkü gəncliyimiz sağlam düşüncəli gənclikdir, vətənpərvər gənclikdir, xalqını, millətini sevən gənclikdir... Gənclərimiz mükəmməl təhsil almalı, həyatı dərindən öyrənməli, dünyada gedən prosesləri bilməlidir. Lazımi fəaliyyət göstərib öz xalqına, dövlətinə xidmət etməlidir».
                                    Heydər Əliyev













Kəngərli Rayon Gənclər və İdman İdarəsinin 2021-ci ilin
aprel-iyun aylarında gördüyü işlərlə bağlı məlumat

      İlin II rübü ərzində məktəblilərin intellektual səviyyəsini, dünyagörüşünü, zehni inkişafını stimullaşdırmaq, onlar arasında bilik və elmə marağı artırmaq, eləcə də asudə vaxtlarının səmərəli təşkili məqsədilə “Xəmsə” Milli İntelektual Oyunu üzrə rayon mərhələsi keçirilib. Yetkinlik yaşına çatmayanların milli-mənəvi dəyərlərə bağlılığını artırmaq, vətənpərvərlik ruhunda tərbiyə etmək, asudə vaxtlarında onları bədən tərbiyəsi və idmana cəlb etmək və çağdaş dövrün təhlükələrindən qorumaq məqsədilə Şahtaxtı, Qabıllı və Yurdçu kənd tam orta məktəblərində marifləndirici tədbirlər, məktəblilər üçün “İstiqlaliyyət” və “Qayıdış” sənədli filmlərinin nümayişi və ilkin təlim atışı üzrə rayon birinciliyi təşkil edilib.

Ətraf mühitin mühafizəsi, yaşıllıqların qorunması və artırılmasına dəstək məqsədilə yeniyetmə və gənclər tərəfindən Xok kəndi ərazisində yerləşən Anbarı gölü ətrafında təmizlik aksiyası, rayon ümumtəhsil məktəblərində 5 İyun - Ümumdünya Ətraf Mühitin Mühafizəsi Günü münasibətilə iməciliklər keçirilib.

Gənc nəslin bədən tərbiyəsi və idmana cəlbi, onlar arasında bu sahəyə marağı daha da artırmaq, istedadlı idmançıları üzə çıxarmaq və sağlamlıq imkanları məhdud uşaqların reabilitasiyası məqsədilə atletika yarışları, boccia, şahmat, mini futbol və süni divara dırmanma üzrə rayon birincilikləri, həmçinin velosiped yarışı və futbol üzrə yoldaşlıq oyunu keçirilib. “Zərərli vərdişlərə yox deyək, həmişə sağlam olaq!” devizi ilə voleybol, şahmat yarışları, atletika və voleybol üzrə yoldaşlıq görüşləri təşkil olunub.

Rüb ərzində gənclərlə iş sahəsində 8, bədən tərbiyyəsi və idman sahəsində 14, tədbir keçirilib. Gənclər sahəsində keçirilən tədbirlərdə 302 idman sahəsində isə 497 nəfər iştirak edib.



Kəngərli rayon Gənclər və İdman İdarəsi







Naxçıvan Muxtar Respublikası Gənclər və İdman Nazirliyi
Webmaster • Global Network Technologies


naxgin.az • 2018-2021